Մշակույթը մարդուն Աստծուն մոտեցնելու
ամենաընդունելի ճանապարհն է
Վ.Պետրոսյան
2009թ-ից Արմավիրում սկսել է շահագործվել <<Գրադարանը քաղաքական- հասարակական կենտրոն>> ծրագիրը : Հունվարից իրականցվել է վերազինման և վերանորոգման փուլերը : Այժմ ընթանում է գաղափարախոսության տարածման և կադրային վերապատրաստման փուլը:Այս փուլում իր ակտիվ մասնակցությունն ունի Արմավիրի ԵՄԿԿ-ն : Փոխհամագործակցության շրջանակներում օգոստոսի 18-ին մարզային գրադարանում ԵՄԿԿ –ն ներկայացրեց մշակութային քաղաքականության ձևավորումը Արմավիրում և նրա ազդեցությունը տարածաշրջանում :
Հանդիպման սկզբում առաջատար մասնագետ Իրինա Ամիրխանյանը անրադարձավ մշակույթին, նրա դերին ու նշանակությանը , մշակութային քաղաքականության փոխըմբռնումներին: Այնուհետև ներկայացվեց մշակութային քաղաքականության առանձնահատկությունները մարզում :
Մշակույթը մարդու գործունեության արդյունքն է: Այն բոլոր ժամանակներում հզոր զենք է եղել աշխարհի մարտահրավերների դեմ պայքարելու համար: Այսօր թե զարգացած , թե զարգացող երկրները վարում են փափուկ քաղաքականություն մշակույթային արժեհամակարգի տարածման ուղղությամբ: Որպես կանոն խաղաքարտը կորցնում է այն երկիրը , որը չունի կայուն արժեհամակարգ , զարգացող մշակույթ և մշակութային հստակ քաղաքականություն:
Մշակութային օրենսդրության հիմունքների մասին ՀՀ օրենքի 2-րդ հոդվածը սահմանում է . ՀՀ-ում պետական մշակութային քաղաքականությունը կազմակերպվում է մշակույթի պահպանման, տարածման և զարգացման տարեկան , եռամյա, հեռանկարային ծրագրերով …:
Մշակութային քաղաքականության իրականացման գործում հենակետային են մարզերի մասնակցությունը: Յուրաքանչյուր մարզ ձևավորում է իր մշակութային քաղաքականությունը ` ելնելով մշակույթի ոլորտում առկա հիմնախնդիրներից: Արմավիրի մարզում մշակութային քաղաքականությունը ձևավորվում է եռամյա զարգացման ծրագրով նախատեսված `2011-2014թթ-ի համար: Ծրագիրը նպատակուղղված է միջմարզային և միջհամայնքային մշակութային համագործակցության զարգացմանը, մշակութային կյանքին բնակչության ակտիվ մասնակցության պայմանների ապահովմանը , մշակութային կազմակերպությունների բնականոն գործունեության ապահովմանը , զբոսաշրջության զարգացմանը:
Մարզում գործունեության իրականացմանը մասնակցում են գրադարանները, թանգարանները, մշակույթի տներ, արվեստի և երաժշտական դպրոցներ, կարևոր օղակ են հանդիսանում ոչ նյութական մշակութային արժեքները և պատմամշակութային հուշարձանները:
Մարզային գրադարանի տնօրեն Աիդա Ղազարյանը իր խոսքում կարևորեց ԵՄԿԿ-ի դերն ու նշանակությունը մարզում մշակութային կյանքի խթանմանը.
-ԵՄԿԿ-ի առաքելությունն է ոչ միայն համախմբել երիտասարդությանը, այլև մոտեցնել նրանց մեր մշակույթին, պատմությանը …Համատեղ իրականացված այս միջոցառումը նպատակ է հետապնդում լսարանին հասու դարձնել մարզային մշակութային կյանքին , ինչպես նաև առավել թվով մարդկանց ներգրավել այս ոլորտ:
Ըստ գրադարանի տնօրենի`ուշադրության բացակայությունը , անհատական մոտեցումը տարբեր հաստատությունների կողմից , ինչպես նաև մշակութային հասկացության թերի ըմբռնումը այն բացերն են , որոնք առկա են մարզում:
Հանդիպման մասնակիցներից մեկը հիշեց Վարդան Պետրոսյանի հետևյալ խոսքերը . մշակույթը մարդուն Աստծուն մոտեցնելու ամենաընդունելի ճամապարհն է :
Իսկ ԵՄԿԿ-ի գլխավոր մասնագետ Արգամ Արշակյանը կարևորեց գյուղական համայնքներում մշակույթի զարգացումը `որպես ռազմավարական նշանակություն ունեցող կենտրոններ:
Այս համագործակցության շրջանակներում վերոնշյալ միջոցառումը միակը չէր: Առաջիկայում նախատեսվում է ևս մեկ միջոցառում <<Ճանաչենք ինքներս մեզ և վերաիմաստավորենք երիտասարդ լինելը>> թեմայով:
Արմինե Երվանդյան
Комментариев нет:
Отправить комментарий